تولين البكري تهاجم زملائها في الوسط الفني: عديمي الأصل ولا يستحقون ما وصلوا إليه

هاجمت الفنانة تولين البكري بعض زملائها الفنانين في الوسط الفني، واصفةً إياهم بالأشخاص عديمي الأصل، ولا يستحقون ما وصلوا إليه، حسب قولها.

وقالت تولين في منشور لها على “فيسبوك”: “قلة الأصل ليش عم نغذيها بعلاقاتنا الإنسانية.. يعني في ناس بتاكل وبتشرب وبتنام معون على مدار سنين طويلة وبالأخير فجأة الطرف الأول بيحمل سطل مي وبيكب عالأرض كل هالعشرة”، مؤكدةً أنها قدمت الكثير لزملائها لكنها لم تلق منهم سوى الجحود والنكران.

اقرأ أيضا: الطب الشرعي في سوريا يعلن تسجيل 80 حالة انتحار منذ بدء العام 2021

وكشفت الفنانة عن التنازلات التي تقدمها في الوسط الفني، قائلة: “أنا ممثلة بيطلب مني مخرج ما أني وقف معو بعمل ما أو ببداياتو وأنا بكل محبة بوقف معو وبتنازل عن أجري المادي واسمي بالشارة ومابحط أي شروط”.

وأضافت: “بعمل هيك فقط لكون كفوة وبالأخير هالمخرج بينسا أو بيتناسا بعد ما ينشهر إني يوماً ما كنت أصيلة معو”.

وعلى الصعيد الشخصي، كتبت تولين: “كزوج أو حبيب بخلصلك وبخدمك من قلبي لسنين طويلة وبس تصير بني آدم تاني بتجيب نفس السطل يا سطل وبتكب مي على هالعشرة وبتروح لعند غيري”.

وتابعت: “صديقتي، أو صديقي اللي بكون فاتحتلا بيتي وخزانتي وحياتي وبعد عشرة عمر بتحكي عليي أو بتاخد جوزي”.

وختمت تولين منشورها قائلة: “الكفن مالو جيوب وكل هالمعارك “الغير شريفة” اللي عملتا وأنت عايش مارح تستفيد منها بعد مماتك إلا بعملك.. وسمعتك.. ليش لتعيش قليل أصل”.

وعبرت الفنانة “تولين البكري” سابقاً عن استيائها من الظروف المعيشية السيئة التي تمر بها البلاد حالياً، وكتبت عبر “فيسبوك”: “الوضع صاير أكتر من مقرف يارب الفرج أو الموت بشوية كرامة قبل الذل”.

زر الذهاب إلى الأعلى