fbpx

“ما تدفع يا نجم”.. زوجة أحمد الفيشاوي تهاجم محمد رمضان!

هاجمت “ندى كامل” زوجة أحمد الفيشاوي، في منشورين عبر حسابها الشخصي على موقع “فيسبوك”، الفنان المصري محمد رمضان.

جاء ذلك على خلفية أزمة محمد رمضان مع مصمم الأزياء أشرف فجلة، بعدما ادعى الأخير أن رمضان رفض دفع اموال ملابس حصل عليها من تصميمه.

وكتبت ندى كامل عبر “فيسبوك” معلقةً على الأزمة: “ما تدفع يا نجم تمن الهدوم اللي خدتها، وخليت مدير أعمالك ميردش على الراجل الترزي سنتين ولما جه عندك عاملوه بطريقة بايخة، كنت أدفع أحسن من الفضيحة دي”.

وأضافت زوجة أحمد الفيشاوي: “أدفع تمن الـ4 سديري والـ3 بدل، ولا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية، وفاكرنا عبط ومنعرفش الأصلي من المضروب، وملناش دعوة”.

وتابعت: “من فضلك يا نجم البس في صمت وادفع اللي عليك.. ورجاء أخير يا ريت تنطق كلمة versace صح”.

اقرأ أيضا : محمد رمضان يواجه تهمة “تعمد قتل الطيار أشرف أبو اليسر”

وأكملت في منشور آخر: “يا نجم مش عيب أبدا إن الإنسان يكون غني ومعاه فلوس ومبسوط بيها طالما هو شقي وتعب فيها.. بس العيب عليك دلوقت، مفيش دلوقت في العالم كله وبتكلم عن الناس اللي معاها فلوس حد ماشي زيك كده”.

وختمت بالقول: “الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك، ومفيش حد دلوقت غير وهو عنده life coach بيعلمك ويعرفك تطلع تقول إيه وإزاي وأمتى ودي مش عيب أبدا، الحاجات دي اتعملت مخصوص للناس اللي زيك، اللي هما في مستوى عقلي واجتماعي ضعيف أو ناس أغنية جدا ولازم team يدير الفلوس دي ومعاها حد يعرفك بتعمل إيه”.

وعمدت ندى كامل إلى حذف المنشورين بعد دقائق قليلة، قبل أن تغلق حسابها، فيما التزم محمد رمضان الصمت، ولم يعلق على الأزمة.

زر الذهاب إلى الأعلى